Министерството за финансии информира дека близу 20 милиони евра досега им се вратени на 119 компании, кои во текот на 2023 година уплатиле средства во Буџетот согласно Законот за данок на солидарност.

– Министерсвото за финансии согласно утврдениот модел, од минатата недела започна со исплата на првиот дел од уплатените средства во Буџетот и досега се вратени вкупно 1,219 милијарди денари. Компаниите во текот на 2023 година уплатија во Буџетот 3 милијарди денари согласно усвоеното законско решение во Собранието. По поништување на Законот од страна на Уставниот суд, државата имаше обврска да ги врати средствата. Во рамки на транспарентна постапка, заедно со компаниите беше утврден модел за враќање на средствата во два дела кои што ќе се реализираат во март 2026 и март 2027 година, информира Министерството за финансии.

Повратот на средствата се врши врз основа на доставено барање од страна на компаниите до Управата за јавни приходи.