Слабости во инфраструктурата во Германија се покажуваат и за време на Европското фудбалско првенство, смета директорот на ЕП 2024, Филип Лам, а пренесува ДПА. Во последните децении имаше малку инвестиции, рече Лам.

– Мислам дека не успеавме како земја да работиме малку на инфраструктурата неколку децении – рече тој во понеделникот вечерта во Лајпциг.

Во текот на првата недела од натпреварите, многу навивачи се пожалија на компликации со пристигнувањето до стадионот и обратно, како и на долго чекање.

Лам вети дека ќе биде подобро и додаде дека е во контакт со Германските железници (Дојче Бан, ДБ).

Како што наведе, ДБ ќе направи се за луѓето да пристигнат навреме „од точка А до точка Б“. Тој додаде дека тоа е стар проблем на железницата.

Тој се пожали дека и самиот доцнел на натпреварот Украина-Словачка во петокот во Дизелдорф бидејќи неговиот воз не пристигнал на време.

– Генерално, во последните десет дена патував со воз и во најголем дел беа многу точни – признавајќи дека доцнењата се особено иритирачки за навивачите кои патувале долг пат и потрошиле многу пари.

За Хрватска да се пласира во осминафиналето треба да се исполнат четири услови