Снимки од безбедносни камери покажуваат десетици маскирани израелски доселеници, вооружени со стапови, како брутално претепуваат постар Палестинец на окупираниот Западен Брег, пренесе „SkyNews“.

Безбедносни камери, чии снимки ги објави Асошиетед прес, прикажуваат мажи, претежно облечени во црно, како го удираат и клоцаат човекот откако тој паѓа на земја, за време на напад врз расадник во селото Деир Шараф.

Работниците во расадникот избегале откако ги забележале доселениците како се приближуваат во четвртокот, но 67-годишниот Басим Салех Јасин е глув и не можел да ги слушне предупредувањата да се повлече, изјавиле за новинската агенција двајца сведоци на нападот, членови на семејството што го поседува објектот.

На видеото се гледа како Јасин се обидува да побегне од групата, пред да се сопне и да падне на земја.

Еден од мажите го клоца додека тој клечи на земја, додека друг повеќепати го удира со предмет што наликува на стап.

Додека напаѓачите си заминуваат, двајца трчаат покрај него и го клоцаат, по што уште еден го удира со клоца во главата.

Потоа двајца повторно му приоѓаат и го удираат со, како што изгледа, стапови, сè додека не падне на земја.

Сведоците изјавиле дека Јасин бил пренесен во болница со скршени коски на раката, како и со други повреди на лицето, градите и грбот.

Тие додале дека во расадникот биле запалени и целосно уништени четири автомобили.

A group of Israeli settlers assaulted an elderly, deaf man and torched cars during an attack in a Deir Sharaf village in the occupied West Bank. CCTV footage shows several settlers attacking the man with clubs while others run up and kick him while he’s on his knees. pic.twitter.com/ARpmYZqHKa

— Middle East Eye (@MiddleEastEye) January 10, 2026