Грција денеска е завиена во црно по трагичната сообраќајна несреќа што се случи во Романија, во која животот го загубија седум навивачи на ПАОК, додека уште три лица се повредени, од кои едно се наоѓа во критична состојба.

Навивачите биле на пат кон Франција, каде што требало да го следат натпреварот од Лигата на Европа против Лион, но нивното патување завршило трагично на околу 80 километри од српската граница.

Несреќата се случила во близина на градот Лугој, во околината на Темишвар, кога комбето во кое се превезувале навивачите се обидело да изврши претекнување.  Како што може да се види на снимката возачот во моментот на претекнувањето губи контрола и се удира директно во камионот кој вози во спротивната лента од спротивна насока.

Accidentul de lângă Lugojel, șapte morți pic.twitter.com/e3dt0ddeR3

— aktual24.ro (@ak24ro) January 27, 2026