„Војната“ со Меси и слабите резултати предвреме ќе го избркаат Бартомеу од Барселна
Претседателот на каталонскиот клуб, Хосеп Марија Бартомеу, се соочува со изгласување недоверба бидејќи членовите на клубот денеска собраа доволен број на потписи за да организираат референдум за неговата иднина на челот на Барселона.
Гласањето ќе се одржи веднаш откако клубот ќе ги завери сите собрани потписи. На рефендумот доколку две третини од гласовите бидат за заминување на Бартомеу, тој ќе биде сменет и членовите веднаш ќе закажат нови избори.
Членовите на „опозицијата“ објавија дека планираат да го тргнат Бартомеу од претседателското столче веднаш откако најголемата ѕвезда на екипата, Лионел Меси, изјави дека сака да си замине од „Камп Ноу“ и ја обвини актуелната управа дека е неспособна.
Комплетното интервју на Меси: Несреќен сум но останувам, оваа управа на Барселона е катастрофа
Меси цела години ги критикува директорите на Барселона постојано велејќи дека не му се допаѓа во која насока се движи клубот, а неодамна исто така го обвини Бартомеу дека не го исполни ветувањето дека ќе му дозволи ова лето да си замине од клубот.
Притисокот на Бартомеу се зголеми по срамниот пораз од Баерн Минхен од 2:8 во четвртфиналето од ЛШ, и тогаш првиот човек на клубот беше приморан да најави големи промени и да ги распише изборите за негов наследник во март идната година.