Министерството за внатрешни работи на Србија, објавувајќи ги деталите за денешниот напад во „Ќациленд“, објави дека напаѓачот испукал неколку куршуми, додавајќи дека во запалениот шатор немало оружје или муниција, освен оружјето и муницијата што ги донел осомничениот, објави Н1.

„Денеска околу 10:16 часот директно пред Домот на Народното собрание на плоштадот Никола Пашиќ, В. А. (1955), кој не бил учесник на собирот пред Народното собрание, влегол во еден од шаторите и од огнено оружје испукал неколку истрели во правец на М. Б. (1968), повредувајќи го во пределот на ногата, а потоа намерно предизвикал пожар во шаторот, при што експлодирала мала гасна боца. М. Б. бил згрижен во Ургентниот центар, а полицијата набрзо го совладала и го уапсила В.А. Пожарот бил локализиран и изгаснат. Патем, во запалениот шатор немало оружје ниту муниција, освен оружјето и муницијата што ги донел осомничениот“, се наведува во соопштението на српското Министерство за внатрешни работи.

Инаку, српскиот претседател Александар Вучиќ, го нарече терористички чин денешниот инцидент пред Парламентот во центарот на Белград.

Ако инцидентот во „Ќациленд“ беше терористички чин, зошто зградата на Парламентот не беше евакуирана?

Ако инцидентот во „Ќациленд“ беше терористички чин, зошто зградата на Парламентот не беше евакуирана?