Полската Јагелонија утре ќе гостува во Скопје каде што ќе се соочи со Шкендија во рамки на Конференциската лига на УЕФА, а поддршка ќе има и од своите најверни навивачи. Од тетовскиот клуб информираа дека за овој дуел е најавено присуство на околу 250 полски фанови кои во главниот град ќе пристигнат заедно со својот тим на самиот ден на натпреварот.

Полската амбасада во Македонија преку официјално соопштение апелираше до навивачите на Јагелонија да бидат претпазливи, да се движат во групи и да избегнуваат одделување низ градот, со цел да се спречат можни инциденти со други навивачки групи.

Дуелот меѓу Шкендија и Јагелонија ќе се одигра утре од 21 часот. Тимот од Тетово во натпреварот влегува со еден пораз од Рајо Ваљекано и победа над Шелбурн во претходното коло.

Преземено од: Спорт.ком.мк