Во ПСЖ е направена листа за отстрел, седум фудбалери мора да си заминат
Сопствениците на ПСЖ, катарското кралско семејство, им нареди на челниците на „светците“ да го намалат ростерот на тимот и во наредните два преодни рока да се ослободат од дури седум фудбалери.
Моментно на платниот список на ПСЖ има 33 фудбалери под договор и таа бројка ќе мора да се намали за да се ослободи место за неколку фудбалери кои треба да пристигнат идното лето како Пол Погба, Антонио Ридигер и нов елитен напаѓач кој треба да биде замена за Килијан Мбапе.
Најзвучно име на листата за отстрел е тоа на Мауро Икарди. Во ПСЖ сакаат да ги вратат вложените 50 милиони евра, но ниту една екипа не е подготвена да плати толкава отштета за Аргентинецот. Најзагреан за Икарди е Јувентус, но „старата дама“ го сака Аргентинецот на позајмица без задолжителен откуп на договорот.
Клубот може да го напуштат и Абду Диало кој беше стандарден на почетокот од сезоната, но со доаѓањето на Нуњо Мендеш и опоравувањето на Бернат испадна од ротација. Нема место ниту за Курзава на кого за време на пандемијата му беше продолжен договорот .
Колин Дагба и Ерик жуниор Дина Ебимбе треба да бидат испратени на позајмица, а на трансфери листата ќе се најдат уште и Рафиња и голманот Серхио Рико.
Освен нив, во јануари може да си замине и Жоржињо Вајналдум кој е незадоволен од својот статус и сака да се врати во Премиер лигата.