Просечната цена на квадратен метар станбен простор во нова зграда во Црна Гора достигна 2.228 евра во третиот квартал од 2025 година, според најновите податоци на државната статистичка агенција Монстат. Очекувано, најскапи се становите на морскиот брег, додека во северниот дел на Црна Гора цената за квадрат е под 1.600 евра.

Податоците се однесуваат исклучиво на станови што се продадени за првпат, односно за кои првпат е склучен договор за продажба, додека пресметката не ги вклучува становите од постар фонд, деловниот простор или земјиштето.

ВКога се разгледуваат само становите што ги продаваат комерцијалните компании, односно становите по пазарни цени, просекот е идентичен со вкупниот просек од 2.228 евра по квадратен метар.

Оваа цена е пониска од онаа постигната за стан во центарот на Скопје, кој годинава се продаде по над 2.700 евра по квадрат – 96 квадратни метри за 260 илјади евра.