Вкусови што се памтат: Српска кујна – Пребранац, грав на српски начин (РЕЦЕПТ)
Српската кујна е исклучителен белег на српскиот народ, а нивното гурманство и страста кон храната ја прави посебна. Во минатото, во српските села името за кујна било „куќа“, а централен дел било огништето, кое претставувало важно, култно место, покрај кое се „одигрувал“ секојдневниот живот, се собирало целото семејство.
Оваа недела ја посветуваме на СРПСКАТА КУЈНА, а денес како предлог рецепт ќе биде – ПРЕБРАНАЦ, грав на српски начин.
Секогаш добредојден гостин на српските трпези е пребранац, гравче на тавче или печен грав. Ова јадење е популарно во Србија во текот на целата година, но во студените денови, рецептот се заменува со густ грав – пребраз.
Состојки:
- 500 гр грав
- 3 дл масло
- 1 кг лук и 2 чешниња лук
- 1 лист лорбер
- зачин, мелена лута пиперка и сол
Подготовка:
Ставете бел грав во тенџере, истурете ладна вода и варете додека не почне да врие. Потоа исцедете го, истурете топла вода и варете додека не омекне. Потоа повторно исцедете од водата. Излупете кромид и ставете го во ладна вода да отстои десет минути.
Потоа исечете го на тенки прстени. Загрејте еден дел од маслото во тава и пржете го кромидот додека не добие златна боја. Додадете малку лут пипер во прав, и сол. Подмачкајте ја тавата, а потоа поставете ред грав рамномерно на дното, а врз него ставете од пржениот кромид.
Повторувајте ја оваа постапка додека не се потрошат гравот и кромидот. Последниот ред мора да биде грав. Ставете еден ловоров лист, две чешниња лук и, ако сакате, една лута сушена пиперка одозгора.
Потоа, прелијте го садот со врело масло одозгора. Печете во загреана рерна околу половина час.
Добар апетит!