„Јајца во чистилиште“ (uova in purgatorio) е традиционално јадење од јужна Италија, подготвено од јајца и пикантен доматен сос со интензивна црвена боја. Името го добило поради сосот што потсетува на пламените од чистилиштето, пишува „Пун куфер“.

Ова јадење е дел од т.н. сиромашна кујна, која се развила од потребата со едноставни и достапни намирници да се подготват вкусни и заситувачки оброци.

Состојки

• 500 г пелати (лупени домати)
• 8 јајца
• 1/2 главица кромид
• 1 чешне лук
• свежи зачини (босилек, мајчина душица, мајоран)
• екстра девствено маслиново масло
• сол
• бибер

Подготовка

На малку маслиново масло пропржете ситно сечкан кромид, лук и свежи зачини околу 2 минути. Додадете ги сечканите пелати и варете на тивок оган околу 10 минути, додека сосот не се згусне. Посолете и забиберете.

Во сосот направете вдлабнатини и внимателно скршете ги јајцата. Поклопете и гответе на тивок оган околу 10 минути, додека белките не се стегнат, а жолчките да останат меки.

Послужете веднаш, по желба со свеж босилек и рендан кашкавал. Не заборавајте крцкав леб за потопување во сосот.