Вкусен и брз летен десерт — рецепт за енергетски топчиња со малини и кокос
Кога ќе ви се пријаде нешто благо, а не сакате да посегнете по индустриски слатки, енергетските топчиња се одличен избор. Тие се подготвуваат брзо, содржат хранливи состојки и се идеална ужина или десерт за летните денови, пишува „Пун куфер“.
Препорачано
За нивната подготовка не ви треба многу време – доволни се неколку состојки и добар блендер или сечкалка.
Оваа комбинација од малини и кокос е лесна, освежителна и природно слатка.
Потребни состојки
- 100 г малини
- 80 г овесни снегулки
- 50 г мед
- 40 г кокосово брашно
- 20 г рендан кокос
- 1 лажица кокосово масло
- прстофат сол
Начин на подготовка
Во блендер или сечкалка ставете ги малините, овесните снегулки, медот, кокосовото брашно, ренданиот кокос, кокосовото масло и прстофат сол. Блендирајте додека не добиете компактна и леплива смеса.
Ако смесата е премногу сува, додадете уште малку кокосово масло и повторно измешајте.
Со раце обликувајте мали топчиња, а по желба извалкајте ги во рендан кокос.
Чувајте ги во фрижидер и послужете ги добро изладени.
Добар апетит!
