Возачот на Јамаха, Маверик Вињалес на денешните квалификации покажа дека патеката „Мизано“ им лежи на моторите на Јамаха. Шпанецот дојде до втората пол позиција сезонава со време од 1:32.265 минути што беше за нешто помалку од три десетинки побрзо од изненадувањето на овие квалификации, Пол Еспаргаро кој вози за КТМ.

Еспаргаро за прв пат во Мото ГП класата ќе стартува од првиот стартен ред откако е дел од КТМ, а на него и на Вињалес во првиот ред, ќе им се придружи уште и одличниот дебитант Фабио Квартараро од Петронас Јамаха.

Pole position for @mvkoficial12! ?

KTM and @polespargaro are denied a historic maiden pole as Vinales takes his first pole since Qatar! ?#SanMarinoGP ?? pic.twitter.com/oGdkEY70bH

— MotoGP™ (@MotoGP) September 14, 2019

Квалификациите во Мизано ги одбележа и инцидентот помеѓу миленикот на домашната публика, Валентино Роси и лидерот во генералниот пласман Марк Маркез.

Тие двајца возеа еден зад друг во квалификациите и во еден момент Маркез излезе од патеката и тоа го чинеше мал контакт со Роси по што и двајцата ги загубија шансите за подобар пласман во квлаификациите. Маркез на утрешната трка ќе стартува од петтото место, додека Роси е седми.