Вињалес ја освои Малезија, Маркес рекордер во „кралската“ класа! (ФОТО)
Возачот на Јамаха, Маверик Вињалес триумфираше на Големата награда на Малезија, претпоследна трка оваа година во „кралската“ класа.
Најблиску до Вињалес беше Марк Маркес на Репсол Хонда, и тоа после стартот од 11. позиција, а на подиумот им се придружи членот на Дукати, Андреа Довициозо.
Младиот Шпанец Вињалес на патеката „Сепанг“ ја запиша втората победа оваа сезона, а 23 во својата кариера.
Another record for Marc Marquez ?
3️⃣9️⃣5️⃣ points!
A second-place finish at the #MalaysianGP sees him overtake Jorge Lorenzo with the most points EVER in a season ? pic.twitter.com/5npF6cjOGe
— MotoGP on BT Sport (@btsportmotogp) November 3, 2019
Маркес (кој пред неколку седмици ја обезбеди шампионската титула) моментно има 395 бодови, а со најновите 20 оствари нов рекорд по бројот на освоени бодови во една сезона. Претходно рекордер беше Хорхе Лоренцо кој во 2010 година запиша 383 бодови.
Во генералниот пласман Довициозо е втор со 256, а Вињалес трет со 201. Возачот на Јамаха сеуште не ја обезбедил третата позиција на крајот од сезоната, бидејќи Ринс има само седум бодови помалку од него.
Мото ГП шампионатот годинава ќе заврши со Големата награда на Валенсија на патеката „Рикардо Тормо“ на 17 ноември.