ВИДЕО|Поддршка за Ѓоковиќ од легендарна тенисерка: Ова е другата страна која мора да ја видите
Депортацијата на Новак Ѓоковиќ и случувањата кои и претходеа и понатаму се главна вест во светот во светот на тенисот, а српскиот тенисер сега доби поддршка од една од најдобрите тенисерки во историјата.
Легендарната тенисерка Крис Еверт во видео кои го објави на социјалните мрежи одлучи на светот да му го покаже вистинското лице на Ѓоковиќ и во него зборува за многу работи кои тенисерот ги направи за време на пандемијата.
„Ова е другата страна која луѓето мора да ја видат“, напиша 18-кратната гран слем шампионка, Крис Еверт.
На видеото се наоѓаат извештаи од медиумите низ целиот свет за тоа какви добри работи направи Ѓоковиќ од почетокот на пандемијата. Се наведува дека Ѓоковиќ дал финансиска помош на Италија кога оваа земја беше погодена од пандемијата, исто така заедно со сопругата Јелена донираа милион евра помош за борба против коронавирусот во Србија, како и за донацијата на фондацијата на Рафаел Надал.
Покрај тоа, Ѓоковиќ бараше да им се помогне на послаборангираните тенисери за време на пандемијата, помогна во промоцијата на вакцинацијата против ковид-19 во Србија, а исто така донираше финансиска помош за Австралија кога земјата во 2020 година беше погодена од големи пожари.
The other side people need to see…👍👏 https://t.co/30629C7dGl
— Chris Evert (@ChrissieEvert) January 23, 2022