ВИДЕО: Жирона ја шокираше Барселона, Реал Мадрид остана лидер
Во натпреварот од 24. коло во шпанската Ла Лига, Жирона приреди изненадување и славеше над Барселона со 2:1.
Препорачано
Првото полувреме донесе неколку возбудливи моменти на двете страни, а најинтересниот момент се случи во 45. минута, кога Јамал не реализираше пенал, погодувајќи ја стативата.
Жирона исто така знаеше да се закани, но голманот на Барселона, Жоан Гарсија беше на висина на задачата. Покрај промашениот пенал, Барселона погоди и уште една статива преку Рафиња.
Каталонците подобро го отворија вториот дел и во 60. минута дојдоа до водство, кога Кубарси одлично скокна и со глава ја испрати топката во мрежата за 1:0. Сепак, радоста траеше кратко.
Само две минути подоцна, во 62. минута, Томас Лемар прецизно погоди по асистенција на Ванат и израмни на 1:1.
До крајот на натпреварот Жирона беше подобар ривал, а само благодарение на расположениот Гарсија, Барселона успеваше да ја задржи својата мрежа. Но, во 87. минута, Марк Рока го постигна победничкиот гол и донесе заслужен триумф на домаќинот, приредувајќи нов шок за Каталонците, по тешкиот пораз од Атлетико Мадрид од 4:0 во Купот на кралот.
Реал Мадрид сега има два бода предност на врвот на табелата, додека Барселона во наредното коло на свој терен ќе го пречека Леванте.
GOL DEL GIRONA, otra vez, golazo y le dan vuelta el partido al Barcelona, cada contra es un horror para la defensa del Barca pic.twitter.com/Z7XfBUDlfy
— dorian𓃵 (@dorian_cai) February 16, 2026
