Украинските сили соопштија дека повторно презеле делови од североисточниот град Купјанск и дека ги опколиле руските трупи таму, додека претседателот Володимир Зеленски ја посети областа и ја пофали операцијата, оценувајќи дека таа ја зајакнува позицијата на Украина на дипломатски план, објави „Киев индепендент“.

Додека се во тек мировни напори поддржани од САД, Москва тврди дека напредува на сите фронтови и дека ги зазела Купјанск и стратешкиот град Покровск на истокот. Киев го негира тоа, наведувајќи дека борбите продолжуваат.

Падот на Купјанск се заканува со колапс на украинскиот фронт

Во снимка, објавена во петокот на неговите социјални мрежи, Зеленски, облечен во панцир, се гледа како стои пред табла со името на градот на влезот во Купјанск.

– Денес е исклучително важно да се постигнат резултати на фронтовите, за да може Украина да постигне резултати и во дипломатијата – изјави Зеленски во видеото.

Den 20 november meddelade den ryske generalstabschefen Valerij Gerasimov bunkergubben Putin att hela Kupjansk minsann var erövrat och tusentals ukrainare sas vara omringade. Den 12 december står Volodymyr Zelenskyj vid infarten till Kupjansk 1,2 km från omringade och avskurna… pic.twitter.com/zcJKRtdqwb

— Fria Ukraina (@FriaUkraina) December 12, 2025

„Русите во Купјанск целосно отсечени“

Украинскиот корпус „Хартија“ на Националната гарда соопшти дека ослободил неколку северни реони на Купјанск.

„Руските линии за снабдување се пресечени, а неколку стотини руски војници се опколени. Денеска можеме да кажеме дека Русите во градот се целосно отсечени. Долго не разбираа што се случува, но сега знаат дека се опколени,“ соопшти „Хартија“ на апликацијата „Телеграм“.

Русија, која ја започна целосната инвазија врз Украина во февруари 2022 година, засега не ги коментираше украинските тврдења.

Северните реони на Купјанск се под украинска контрола

Проектот „Дип стејт“ за мапирање на бојното поле сега покажува дека најмалку три села северно и западно од Купјанск се под украинска контрола.

Северните реони на Купјанск, исто така, се прикажани како под украинска контрола, а мапата сугерира дека руските трупи се опколени во центарот на градот.

Воените аналитичари наведуваат дека во ноември темпото на руските напредувања достигнало највисоко ниво годинава, при што трупите напредувале и преземале контрола врз помали села.

Русија во четвртокот соопшти дека го зазела источниот град Северск, додека, пак, Киев тврди дека тој сè уште е под украинска контрола.

Една од најголемите руски рафинерии е во пламен, Украинците жестоко удрија врз Русија