Во синоќешните украински напади со беспилотни летала беше погодена руската рафинерија за нафта „Славнефт-ЈАНОС“ во Јарослав, една од петте најголеми во земјата, предизвикувајќи пожар во објектот, објавија локалните власти и каналите на Телеграм, објавува „Киев Индепендетн“.

Експлозии над градот

Жителите пријавија најмалку седум експлозии над градот, по што набрзо следеа извештаи за пожар во рафинеријата „Славнефт-ЈАНОС“, која се наоѓа на повеќе од 700 километри од украинската граница.

Гувернерот на Јарослав, Михаил Јевраев, претходно предупреди на закана од беспилотни летала во регионот, а разузнавачките служби со отворен код (OSINT) потврдија дека објектот е погоден. „Астра“, независен руски канал на Телеграм, објави фотографии и видеа од пожарот.