Додека повеќето диџеи се борат за настап во престижни клубови под светлата на неонските рефлектори, еден артист од Велика Британија одлучи својата музика да ја пресели на сосема необично место – среде пасиште.

Станува збор за диџејот познат под името @its.oshebaby (Oshe) Оше, кој стана вистинска интернет сензација откако неговите видеа почнаа да се споделуваат со преку милиони прегледи. Неговиот концепт е едноставен, но генијален, тој го поставува својот пулт среде фарма, пушта квалитетен диско и хаус звук, а неговата верна публика ја сочинуваат љубопитни кози и магариња.

Зошто неговите видеа се толку посебни?

Она што ја фасцинира публиката ширум светот не е само музиката, туку необичната реакција на животните. Наместо да бегаат, козите и магарињата мирно се собираат околу него, честопати „танцувајќи“ во ритамот или едноставно уживајќи во мирната атмосфера на англиските села.
Оше често истакнува дека ова е „најдобриот рејв на светот“ затоа што нема мобилни телефони, единствениот фокус е на музиката и природата, има искрена енергија, а животните се најнепристрасната публика која постои. Потоа тука главни се мирот и слободата, наместо зачадени простории, а сцената е свеж воздух и зеленило.

Кој е всушност Оше?

Иако го чува својот приватен живот подалеку од очите на јавноста, тој се дефинира себеси како спој на две големи љубови – земјоделството и музиката. Тој не е само диџеј кој дошол на фарма за диџеј сет, тој навистина живее и работи таму, користејќи долги продолжни кабли од својата штала за да ја напојува опремата на сред нива.
Неговиот успех на платформите како Тикток и Инстаграм, каде е редовно промовиран од големи страници како Pubity, покажува дека на луѓето им е потребна токму ваква „позитивна дистракција“ од секојдневието.

Доколку ви е преку глава од градскиот метеж, пуштете си еден од сетовите на Оше и замислете дека сте таму, некаде во британските села, опкружени со најмирната публика на светот.