Едeн човек се удави во поплавите што го погодија Драч, Албанија, а во неколку области беше прогласена вонредна состојба поради обилни врнежи од дожд и поплави што ги зафатија земјоделските површини, патиштата и куќите.

Властите веднаш презедоа мерки за евакуација на жителите и справување со ситуацијата, објавува „Albanian post“.

Според информациите од албанските медиуми, едно лице се удавило во областа Плепава, во градот Драч, и се верува дека е првата жртва на врнежите од дожд во земјата.

🇦🇱 Floods in Albania due to heavy rainfall.

Around 800 homes were flooded in several areas of Albania, and the floods reached a prison.

They also caused the suspension of classes in a number of schools and the closure of major roads. pic.twitter.com/F1DMQQTad7

— Global Insight Journal (@GlobalIJournal) January 7, 2026

Албанското Министерство за одбрана и Агенцијата за цивилна заштита објавија дека поради ризикот од поплави, жителите на административната единица Новоселе, во општина Валона, ќе бидат веднаш евакуирани и сместени во привремени објекти.

Како што е наведено, најпроблематична е ситуацијата во регионите Скадар, Леже, Валона, Драч, Фиера, Берат и Ѓирокастро.

https://t.co/o8VAvV6tHh

— TemA English (@EnglishTema) January 6, 2026

Во Скадар, нивото на водата во селото Обот се искачи за околу 60 сантиметри над главниот пат, а околу 15 куќи се опкружени со вода, патиштата се блокирани во Малише и Велико Поле, каде што се регистрирани и лизгање на земјиштето и свлечишта.