Американското Министерство за внатрешна безбедност ги става своите вработени на детектор за лаги во обид да ги открие одговорните за протекување на внатрешни информации, изјави денеска Кристи Ноем, секретар за внатрешна безбедност на САД за телевизијата Си-би-ес.

Американските медиуми претходно објавија за оваа употреба на детектори за лаги.

Поранешната републиканската гувернерка на Јужна Дакота не даде детали за бројот на вработени кои ќе бидат тестирани.

Двајца вработени во министерството открија доверливи информации за полициските операции и на тој начин ја загрозија безбедноста и животите на полицајците, тврди Ноем. Тие сега ќе бидат обвинети и ќе се соочат со затворски казни до 10 години.

We have identified criminal leakers within @DHSGov and are preparing to refer these perpetrators to the @DOJ for felony prosecutions.

These individuals face up to 10 years in federal prison.

We will find and root out all leakers. They will face prison time & we will get justice… pic.twitter.com/KEtpJDtUNs

— Kristi Noem (@KristiNoem) March 7, 2025

Министерката нагласи дека домашната безбедност „сигурно“ ќе користи детектори за лаги во истрагата за можни дополнителни протекувања во нивните редови.

Ноем изјави дека, како шеф на министерството, има широк опсег на овластувања и има намера да ги искористи.

Канцеларијата на Ноем, меѓу другото, продолжува со апсење и депортирање на имигранти кои немаат дозвола за престој или сториле кривични дела.