Фудбалерите на Реал Мадрид денеска на домашен терен го совладаа Бетис со 2:1, во натпреварот од четвртото коло во најквалитетната шпанска лига.

„Кралскиот“ клуб поведе во деветтата минута кога погоди Винисиус Јуниор, а израмни Серхио Каналес во 17 минута. Победата на Реал ја донесе Родриго со гол во 65 минута.

Реал е прв на табелата со сите 12 бода од четири натпревари, додека Бетис го претрпе првиот пораз во шампионатот и е моментно втор на табелата со девет бодови.

Играчите на Мајорка и Жирона во првиот дуел од саботната програма во „Ла Лига“ одиграа нерешено 1:1.

Домашната Мајорка поведе со голот на Антонио Раило во 87 минута, а Самуел Саис донесе бо Жирона со голот од пенал во втората минута од судиското надополнување. Мајорка има пет бода на 10 место на табелата, додека Жирона има бод помалку на 12 позиција.