Кошаркарите на Торонто репторс го победија Мајами со 121:95 на домашен терен и ги зголемија шансите за директно место во плејофот на Источната конференција на НБА.

Тимот на српскиот тренер Дарко Рајаковиќ, кој сега има скор од 44-35, се доближи на една победа од Атланта и има една победа повеќе од Филаделфија во трката за првото директно место во плејофот од 2022 година.

Најзаслужни за оваа важна победа на Репторс беа Скоти Барнс со 25 и Брендон Инграм со 23 поени, додека Јакоб Пелтл додаде 17 поени. За Мајами, кој моментално е десетти на Истокот со три победи зад Мајами, најдобар беше Ендру Вигинс со 24 поени, додека Тајлер Хиро и Норман Пауел постигнаа по 14.

Оклахома сити тандер со 123:87 на гости го совладаа Лос Анџелес Лејкерс кој на овој меч настапи без повредените Лука Дончиќ, Леброн Џејмс, Остин Ривс и Маркус Смарт.

Најдобриот тим во Западната конференција (63-16) до победата го предводеше Шеј Гилџес-Александер со 25 поени и осум асистенции, додека Ајзеа Џо додаде 18.

За Лејкерси, Руи Хачимура беше најефикасен со 15 поени. Се наоѓаат на четвртата позиција на Западот (50-29), со една победа помалку од Денвер.

НБА лига, резултати:

Индијана – Минесота 104:124
Вашингтон – Чикаго 98:129
Бруклин – Милвоки 96:90
Торонто – Мајами 121:95
Њу Орлеанс – Јута 156:137
Бостон – Шарлот 113:102
Голден Стејт – Сакраменто 110:105
ЛА Лејкерс – Оклахома Сити 87:123
ЛА Клиперс – Далас 116:103
Феникс – Хјустон 105:119