Во текот на ноќта, локалните власти во Одеса го отстранија споменикот посветен на Катерина Велика, руската царица од 18 век. Овој потег е дел од пошироките украински напори да ги исчисти своите јавни простори од остатоците од руското влијание. Статуата првично била поставена во 1900 година, 104 години по смртта на Катерина Велика.

Но, градските власти го вратиле на сегашната локација дури во 2007 година, а претходно се наоѓал во складиште од 1920 година, кога бил урнат од Советите. Кога во октомври се одржа анкета за судбината на споменикот, 50,2 отсто од жителите на Одеса сакаа статуата да биде целосно уништена, додека 36,12 отсто сметаа дека треба да се чува, но и дека треба да се додаде историско објаснување на споменикот, пишува Еуроњуз.

Ukraine has started removing statues of Empress Catherine the Great from Odesa.

pic.twitter.com/V6z0YgfR2p

— Visegrád 24 (@visegrad24) December 29, 2022

За споменикот да остане непроменет гласале 8,3 отсто, а 4,2 отсто од анкетираните сакале тој да се пресели во музеј. Иако ова прашање ги подели жителите, украинската влада е решена да ја спроведе дерусификацијата на земјата по претрпените 10 месеци уништување од страна на руските вооружени сили.

Украина планира да ги обнови и преименува своите улици и јавни простори во чест на сопствените уметници, поети, војници и борци за независност, вклучувајќи ги и хероите од оваа војна.