Најмалку тројца планинари загинаа по ерупцијата на вулканот Дуконо во Индонезија, додека спасувачките служби успеаја да ги пронајдат и евакуираат преостанатите членови на група од 20 лица кои се нашле на планината и покрај забраната за искачување, пренесува Ал Џазира.

Повеќето од преживеаните биле евакуирани од планината, додека двајца останале да помогнат во пронаоѓањето на телата на загинатите.

Според властите, во групата имало девет Сингапурци. Официјалните лица тврдат дека планинарите го направиле искачувањето и покрај забраната за искачување што е во сила од претходната вулканска активност.

Mimin gamau bikin caption panjang-panjang ah.

Ini situasi Erupsi Gunung Dukono dari jarak dekat. Erupsi terbesar dalam sejarah Gunung Dukono terjadi tadi pagi sekitar pukul 07:40 WIT dengan ketinggian Kolom Abu mencapai 10.000 meter.

Akibatnya 3 pendaki Meninggal Dunia, 2 WN… pic.twitter.com/XxoNEarJqA

— Info Gempa Dunia (@infogempadunia) May 8, 2026

Вулканот Дуконо еруптираше во 7:41 часот по локално време во петок, или во 22:41 часот по средноевропско време во четврток. Индонезиската агенција за вулканологија соопшти дека ерупцијата исфрлила столб од пепел во висина од околу 10 километри.

Снимките од областа покажале густ облак од вулканска пепел како се издига над кратерот и ги покрива околните падини.

Дуконо е еден од најактивните вулкани во Индонезија и е популарна дестинација за планинари и туристи. Властите повторно ги предупредија жителите и посетителите да се држат подалеку од областа околу кратерот по ерупцијата.

Индонезија се наоѓа на Тихоокеанскиот „Огнен прстен“, област склона кон земјотреси и вулкански ерупции.