Кошаркарите на Денвер нагетс ја совладаа Јута џез со 135:112 и ја остварија својата 21. победа во НБА сезоната. Натпреварот практично беше решен по првата четвртина, кога Денвер постигна 40 поени и имаше водство од 25 поени.

Јута, еден од послабите тимови на Западот и во целата лига, не успеа да го надомести тоа до крајот, а Нагетс забележаа рутинска победа. Тимот на Дејвид Аделман беше во одлична серија пред да биде надигран од Хјустон во саботата, но се вратија на вистинскиот пат против Јута.

Шутот за три поени на домашниот тим направи најголема разлика, погоди 24 од 46 тројки, и со таков настап, дури и на посилните тимови ќе им беше тешко да го победат. Денвер, исто така, го сруши рекордот на клубот за најмногу тројки постигнати во еден натпревар.

Српскиот центар на Денвер, Никола Јокиќ оствари трипл-дабл со 14 поени и 13 скока и асистенции. Играше нешто помалку од 29 минути и реализираше пет шута од седум обиди.

Џамал ​​Мареј беше најефикасен играч за Денвер со 27 поени, додека Лаури Марканен ја предводеше Јута со 27 поени.

НБА лига, резултати:

Кливленд – Шарлот 139:132
Бостон – Индијана 103:95
Њу Орлеанс – Далас 119:113
Денвер – Јута 135:112
Оклахома – Мемфис 119:103
Голден Стејт – Орландо 120:97
Портланд – Детроит 102:110