Денеска во 30 коло од најквалитетната шпанска лига, фудбалерите на Валенсија на домашен терен загубија со 3:2 против Селта Виго.

По првото полувреме водеа играчите на тренерот Карлос Корберан со погодокот на Родригез во 12 минута.

Во вториот дел следуваше пресвртот на гостите кои постигнаа два гола за четири минута преку Мориба (56`) и Лопез (60`) за преземање на водството.

За 3:1 се погрижи Сведберг во 81 минута, а до крајот на мечот домаќините постигнаа уште еден гол, повторно стрелаше Родригез.

Голманот на најдобрата македонска репрезентација Столе Димитриевски го одигра целиот меч за Валенсија.

Валенсија и натаму е во безбедната зона, моментно е на 13 место на табелата во Ла Лига со 35 бодови, и во следното коло ќе игра против Елче на гости на 11 април.