Актерката Џуди Грир се присети на непријатен момент од почетокот на својата кариера, кога нејзиниот колега Метју Меконахи ѝ позајмил 20 долари за да плати паркинг.

Грир и Меконахи заедно глумеа во романтичната комедија „Организатор на свадби“ (The Wedding Planner) од 2001 година, а актерката во неодамнешно интервју за „Ентертејнмент тунајт“ откри дека токму тој ѝ помогнал во период кога едвај врзувала крај со крај.

Во филмот, во режија на Адам Шенкман, денес 50-годишната Грир ја толкува Пени Николсон, амбициозна колешка на главната хероина Мери Фиоре, која ја игра Џенифер Лопез. Филмот, кој главно се снимаше во Сан Франциско, со текот на времето доби култен статус, а Грир и денес со задоволство се сеќава на тоа искуство.

Во разговор за „Ентертејнмент тунајт“, таа откри дека една од најдрагите спомени од снимањето ѝ е токму Меконахи.

„Сакав наутро да налетам на него додека се подготвуваше за снимање, бидејќи знаеше да дојде во пижами и со шолја чај“, раскажа актерката.

Таа се присети дека пред почетокот на снимањето, актерската екипа се собрала на читање на сценариото во хотелот „Рузвелт“ во Њујорк.

„Го оставив автомобилот на хотелски паркинг, не знаев дека ќе чини толку многу“, изјави таа, објаснувајќи дека станува збор за услуга при која персоналот го презема возилото и го паркира, нешто што во САД може да биде прилично скапо.

Кога сакала да си го подигне автомобилот, сфатила дека нема доволно пари да ги плати тие 20 долари. Во паника се јавила на пријател за помош, но Меконахи ја слушнал ситуацијата и веднаш ѝ понудил помош.

„Ми даде 20 долари. Ми беше многу непријатно, но во исто време си помислив: ‘Мој херој’“, се присети Грир.

@entertainmenttonight Alright, alright, alright! Judy Greer credits Matthew McConaughey for saving the day (and her car) when they worked together on ‘The Wedding Planner.’ #judygreer #matthewmcconaughey #theweddingplanner ♬ original sound – Entertainment Tonight