Универзитетски професор во Авганистан, кој е отворен критичар на забраната на талибанците за образование на жени и девојчиња, е уапсен во Кабул, јави Би-Би-Си.

Професорот Исмаил Машал бил приведен во четвртокот додека делел бесплатни книги.

Тој станал познат откако ги искина своите академски досиеја во живо на телевизија во знак на протест против забраната на талибанците за универзитетско и средно образование за жени и девојчиња.

The moment of the arrest of university professor #Ismail_Mashal by the Taliban. Mr. Meshaal was arrested today by the Taliban in the third security area. pic.twitter.com/AgV03lQUCB

— Naweedrezaei‏‎🇦🇫 (@naweedrezaei) February 2, 2023

Професорот Машал (37) е обвинет за „провокативни дејствија“ од талибанците. Тој е обвинет дека се обидел да и наштети на владата со тоа што поканил новинари да се соберат на главниот пат и да создадат „хаос“, напиша на Твитер Абдул Хак Хамад, талибански функционер од Министерството за информации и култура.

Очевидци изјавија дека професорот бил удрен со шлаканици, тупаници и клоци од талибанските безбедносни сили за време на апсењето, но Абдул Хак Хамад рекол дека професорот бил добро третиран додека бил во притвор.