ВИДЕО | Судар на два воза во Индонезија, тројца мртви, десетици повредени
Спасувачите во Индонезија се обидуваат да ослободат две лица заглавени меѓу вагоните по сударот на возови во провинцијата Западна Јава, во кој загинаа најмалку тројца, а повредени се 28 луѓе, соопштија властите.
Видеата од локалните телевизиски станици МетроТВ и ТВ Компас покажаа дека на патниците им се помага да излезат од вагоните, од кои некои целосно излетале од шините. Брзата помош однесе 28 повредени во болница, соопшти полицијата, по несреќата во 6:03 часот по локално време во близина на главниот град на провинцијата Бандунг.
🚨#BREAKING VIDEO: Catastrophic train crash in #Indonesia pic.twitter.com/JuKfHLIDCf
— Breaking Alerter (@BreakingAlerter) January 5, 2024
Тројца од загинатите се персонал во возот, изјави Ибрахим Томпо, регионален портпарол на полицијата во Западна Јава, додавајќи дека во возовите имало вкупно 478 патници.
Причината за несреќата се уште не е позната, но железничкиот оператор ПТ КАИ и провинциската влада рекоа дека ќе истражат, заедно со службениците за безбедност во сообраќајот.