Грчката полиција уапси тројца осомничени откако работник вчера загина во силна експлозија која одекна во фабрика за оцет во близина на грчкиот град Коринт, објави „Иефимеридa“.

Властите ги уапсиле 47-годишниот сопственик на компанијата, 46-годишниот одговорен за безбедност и 46-годишниот раководител на производството.

Според првичните информации, експлозијата се случила додека 67-годишен работник вршел заварување во близина на инсталација за снабдување со течен нафтен гас.

Работникот загинал во несреќата.

Έκρηξη σε εργοστάσιο στα Εξαμίλια Κορινθίας. pic.twitter.com/fTKHMcq4V1

— iEidiseis.gr (@iEidiseisGR) July 27, 2026

Друг 37-годишен маж завршил со изгореници на едната рака.

По експлозијата, истражители од противпожарната служба, меѓу кои и екипи од Одделот за истраги на пожари во Коринт и од Дирекцијата за истраги на пожари, започнале проверка за да ја утврдат причината за несреќата.

Истрагата продолжува, а властите проверуваат дали фабриката ги имала спроведено сите задолжителни мерки за заштита на работниците.

Тројцата осомничени треба да дадат исказ пред обвинител додека трае постапката.

ВИДЕО: Се запали фабрика за бисквити во Грција, загинаа четворица