Претседателот на Владата, Христијан Мицкоски, изјави дека владините мерки за развој и промоција на туризмот почнуваат да даваат резултати, посочувајќи на значителен раст на бројот на странски туристи во земјава. Одговарајќи на новинарски прашања за туристичката сезона, Мицкоски рече дека има голем пораст на доаѓањата преку македонските аеродроми, како и зголемување на бројот на странски гости и ноќевања.

Според него, во последниот извештај „Tourism Watch“ на Светска банка, објавен во јуни 2026 година, Македонија е рангирана како прва земја во Европа според растот на странските туристички доаѓања.

-Имаме раст од 40 проценти во споредба со минатата година, што за нас е големо признание. Туризмот има значајно учество во БДП и очекувам овие резултати да се одразат и во економските показатели за вториот квартал – изјави Мицкоски.

Тој оцени дека зголемениот интерес од странските посетители е показател дека мерките за привлекување туристи имаат позитивен ефект врз туристичкиот сектор и целокупната економија.

Шпанија е светска престолнина на туризмот со рекордни 10 милиони туристи