ВИДЕО | Украински дронови го нападнаа Чехов, Крим остана без струја — седуммина загинаа во руски напади
Украински дронови нападнале фабрика за изработка на челични конструкции во Московската Област, додека на окупираниот Крим бил пријавен прекин во снабдувањето со електрична енергија за време на нападите ноќеска, објавија набљудувачки канали.
Препорачано
Фабриката за челични конструкции „Хидросталконструкција“ во Чехов, Московската Област, била погодена од украински дронови додека руската противвоздушна одбрана дејствувала, објави телеграм-каналот „Егзиленова плус“.
Гувернерот на Московската Област, Андреј Воробјов, потврди дека украински дронови го нападнале градот Чехов и соопшти дека била погодена станбена зграда.
The Moscow-area Russian logistics warehouse hit by a Ukrainian attack drone this morning has been consumed by fire. pic.twitter.com/QH6HUUJaIW
— OSINTtechnical (@Osinttechnical) July 28, 2026
Според него, остатоците од соборените дронови предизвикале пожар на гуми на отворен простор, а се запалила и куќа во блиското село Ваулово.
Во нападот бил запален и логистички магацин што опслужува повеќе руски компании во селото Коледино, на само 20 километри јужно од Москва, објави телеграм-каналот „Супернова плус“.
Украина ги засилува нападите
Украина во последните недели ги засили нападите со ракети и со дронови врз инфраструктура во Русија и на окупираните територии. Меѓу целите повеќепати биле објекти на „Вајлдберис“, рускиот пандан на „Амазон“, кој продава и воена опрема, делови за дронови и панцири.
Во Феодосија на окупираниот Крим била погодена трафостаница, по што голем дел од градот останал без струја.
⚡️🇺🇦Ukraine launched a mass attack on the Moscow region: a rubber technical products factory and a logistics warehouse were hit.
On the night of July 28, Ukraine carried out one of the largest drone attacks on the Moscow region.
A fire broke out at the Chekhov Regenerative… pic.twitter.com/5wskHbPJQT
— Cloooud |🇺🇦 (@GloOouD) July 28, 2026
Во нападите врз Белгород биле повредени 12 луѓе и запалени зграда и 15 автомобили.
Во Ростов на Дон загинале двајца, а петмина биле повредени.
Зеленски потврди и напад врз извозен терминал на црноморскиот брег. Дел од овие наводи засега немаат целосна независна потврда.
Трамп денеска ги пречекува Зеленски и Нетанјаху — за што ќе разговараат на средбите?
Седум луѓе се жртви во руски напад
Русија продолжува со напади на фронтот во источна Украина.
Во руски напади врз населени места вчера загинаа седум луѓе, а повеќе од 20 беа повредени.
Во Доњецката Област четири луѓе загинаа во близина на Костјантинивка и Краматорск, додека, пак, 18 беа ранети. Во соседната Дњепропетровска Област, над 50 напади со дронови и артилерија убија тројца и повредија шестмина.
