ВИДЕО | Пожар во метро во Барселона: патници се гушеа од чадот, над 130 се повредени
Пожар вчера избувна во метро во Барселона, при што повеќе од 130 луѓе биле повредени, а две станици биле итно евакуирани, објави „Окдиарио“.
Препорачано
Службата за итна медицинска помош (СЕМ) соопшти дека вкупно 139 луѓе добиле медицинска помош. Од нив, 129 имале полесни повреди, а седум биле во посериозна, но стабилна состојба.
Иако бројот на повредени бил голем, од СЕМ нагласија дека никој не бил во животна опасност.
🔴 #AHORA | Al menos 39 personas fueron hospitalizadas y más de 130 atendidas tras inhalar humo por un incendio en varias estaciones del metro de Barcelona, España. Las autoridades locales confirmaron que no se registraron heridos de gravedad. pic.twitter.com/xNEGRWGQOH
— Mundo en Conflicto 🌎 (@MundoEConflicto) July 27, 2026
Сепак, поради ситуацијата биле ангажирани 24 амбулантни возила за да им помогнат на патниците по пожарот.
Од повредените, 39 луѓе биле пренесени во болници и во центри за итна медицинска помош во Барселона.
Шест пациенти биле однесени во болницата „Сант Пау“, пет во „Саграт Кор“, а четворица во болницата „Дел Мар“.
Останатите биле згрижени во различни центри за итна помош низ градот.
Пожарот избувнал на дел од надземната електрична мрежа меѓу станиците „Глориес“ и „Клот“, по што веднаш бил прекинат сообраќајот на линијата 1 меѓу станиците „Каталуња“ и „Ла Сагрера“.
Поради прекинот бил нарушен сообраќајот на една од најфреквентните делници на метрото, што погодило илјадници патници.
Компанијата за јавен превоз во Барселона (TMB) подоцна изјави дека проверките завршиле и дека ги отстраниле последиците од пожарот, а метрото повторно било отворено.
