Министерот за здравство на Уганда денеска прогласи дека земјата е ослободена од ебола, по последната епидемија на вирусната хеморагична треска, во која се заразија 20 луѓе, а двајца починаа, објави „Ројтерс“.

Петнаесет од заразените во последната епидемија, прогласена во средината на мај, се инфицирале во соседна Демократска Република Конго, која е жариште на епидемијата и каде бројот на потврдени случаи надмина 3.000.

— Во текот на целиот период Министерството за здравство спроведуваше засилен надзор низ целата земја и не беа откриени нови случаи на ебола — изјави министерот за здравство Крис Бариомунси.

Хаос во Конго: еболата коси, над 3.000 луѓе се заразени, а лекари штрајкуваат