ВИДЕО: Спектакл на Енфилд, „кралска“ вечер во Милано, ПСЖ не може ни со Меси

Успешен старт на Ливерпул во Лигата на шампионите, совладан Милан/Фото: EPA-EFE/Peter Powell

Во рамките од групата „А“ во првото коло од Лигата на шампионите ПСЖ и покрај големиот број на ѕвезди како Нејмар, Мбапе и Меси кои беа стартери во Белгија, одигра само 1:1 против Клуб Бриж.

Париските „светци“ добро започаа со погодокот на Ерера после асистенцијата Мбапе во 15 минута од средбата. Радоста на Французите траеше до 27 минута кога домаќините успеаја да израмнат преку Ванакен по додавањето на Собол.

Во истата група Манчестер сити на својот „Етихад“ со дури 6:3 го совлада тимот на Лајпциг. За „граѓаните“ по еднаш во листата на стрелците се запиша Аке, Марез, Грилиш, Кансело и Габриел Жезус, автогол си постигна Мукиеле, а за бундеслигашот хет-трик запиша Нкунку.

Во дербито на „Џузепе Меаца“ во Милано во рамките од групата „Д“ Реал Мадрид дојде до трите бодови (0:1) во самиот финиш против Интер. Стрелец на голот за „кралевите“ беше Родриго после асистенцијата на Камавинга во 90 минута.

Претходно Шериф Тираспол на македонскиот репрезентативец Бобан Николов направи изненадување совладувајќи го Шахтјор Доњецк.

Ливерпул во групата „Б“ во уште едно вечерашно дерби во ЛШ беше подобар од Милан со 3:2. „Росонерите“ беа во предност по првите 45 минути, Томори си постигна автогол за водство на „црвените“ од Енфилд, а непосредно пред паузата калчолигашот направи пресврт со погодоците на Ребиќ и Диаз за период од 120 секунди.

Салах на стартот од вториот дел донесе нов егал на мечот, а конечниот епилог во 69 минута го постави Хендерсон. На вториот меч од истата група без голови одиграа Атлетико Мадрид и Порто.

Во групата „Ц“ Ајакс убедливо славеше во Португалија кај Спортинг со 5:1, а претходно Борусија Дортмунд со 1:2 го надигра Бешикташ.

ВИДЕО: Срамен пораз на Манчестер јунајтед во Лигата на шампионите

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот