ВИДЕО: Срамен пораз на Манчестер јунајтед во Лигата на шампионите
Со првите два натпревари официјално започна новата натпреварувачка сезона во Лигата на шампионите, во рамките од групата „Ф“ се случи и првото изненадување, Манчестер јунајтед загуби на гостувањето кај Јанг Бојс со резултат 2:1.
Првиот гол во новата сезона на ЛШ го реализираше повратникот во редовите на „црвените ѓаволи“, Кристијано Роналдо после прекрасната асистенција на Бруно Фернандеш во 13 минута.
Ова како да изгледаше најава за нов блесок на Португалецот кој се израмни со легедарниот голман Икер Касиљас по бројот на настапи во историјата на елитното европско клупско натпреварување, и двајцата имаат по 177 настапи.
Следуваа проблеми за клубот од „Олд Трафорд“ бидејќи во 35 минута црвен картон доби Ван-Бисака.
Швајцарците иако беа аутсајдер во овој дуел, изненадувачки успеаја да направи целосен пресврт во вториот дел и искористувајќи го периодот со играч повеќе на теренот.
Најпрвин израмни Муми Нгамалеу во 66 минута, а во самиот финиш следуваше целосен шок за премиерлигашкиот гигант, во 95 минута стрелаше Сибачо за голема радост на Јанг Бојс.
Во првиот натпревар од групата „Г“ ремизираа Севиља и Салцбург (1:1), и двата погодоци беа реализирани во текот на првото полувреме кога имаше дури четири пенали.
На стартот од вториот дел Шпанците останаа без еден фудбалер на теренот поради два жолти картони на Ен Несири, но овој момент во своја полза не го искористија Австријците.