Екипите на Славен Белупо и Хајдук Сплит одиграа реми без голови во натпреварот од 12. коло во хрватската Прва лига. Домашниот тим ги имаше во стартниот состав и двајцата поранешни македонски репрезентативци, Леонард Жута и Илија Несторовски, кои беа на теренот сите 90 минути.

Иако немаше голови, мечот не помина без возбудувања. Најинтересниот момент се случи во самиот финиш, кога резервистот Андрија Филиповиќ успеа да заработи директен црвен картон само 74 секунди по влегувањето во игра. Во првиот дуел влезе со отворен ѓон и ја остави својата екипа со играч помалку.

Со ова реми, Хајдук се искачи на врвот на табелата со еден бод повеќе од Динамо Загреб, додека Славен Белупо останува на третото место со 17 освоени бода.

Преземено од: Спорт.ком.мк