ВИДЕО: Симиќ и Барселона успешни во јуниорската Евролига!

Теодор Симиќ со Барселона ќе брка место на евролигашкиот Фајнал-фор турнир/Фото: kfsm.mk

Македонија одново има свој претставник во најсилното натпреварување на Стариот континент – Евролигата. Во јуниорското издание Теодор Симиќ почна да го презентира сиот свој потенцијал низ натпреварите.

Во Валенсија стартуваше првиот квалификациски турнир за кошаркари „Под 18“ за пласман на завршниот турнир. Теодор Симиќ и неговата Барселона, стигнаа до две победи во групната фаза, со кои веќе го обезбедија местото во големото финале.

Во првиот меч на турнирот, Барселона по голема борба го победи германскиот Улм Ратиофарм со резултат (59:50). Меч во кој младиот Македонец одигра 11:44 минути, и притоа дојде до ефект од шест поени (3/5 за два и 0/1 за три поени), три скока и една загубена топка.

Уште поубедливо делуваше каталонскиот гигант во дуелот со уште еден шпански претставник – Гран Канарија, забележа висока победа од 85:47.

Со уште подобра игра на нашиот репрезентативец кој запиша 15:55 минути поминати на паркетот, воедно 10 поени (0/2 за три, 4/7 за два, и 2/5 за еден поен), осум скока, како и по една асистенција, освоена и загубена топка.

Во третиот круг од натпреварите Барселона ќе игра против францускиот Нантер. Без оглед на исходот на овој меч, каталонците ќе играат во финалето на турнирот. По првиот круг во групата „Б“, победи обезбедија екипите на Уникаха од Малада и Хувентуд од Бадалона кои беа подобри од Валенсија, односно Асвел од Вилербан.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот