Денеска се одиграа три натпревари од 25 коло во Премиер лигата во кои победи остварија екипите на Ливерпул, Вулверхемптон и Њукасл.

Фудбалерите на Ливерпул ја запишаа и третата победа после паузата и го совладаа Барнли како гости со резултат 1:0.

Во составот на „црвените“ се врати и Садио Мане после освојувањето на Африканскиот куп на нации и Јирген Клоп практично можеше да смета на најдобрите.

Мечот го реши Фабињо со погодок во 40 минута од средбата. Ливерпул сега на второто место на табелата има девет бодови помалку од Манчестер сити, но и еден натпревари помалку.

Њукасл со голот на Киран Трипие (35`) триумфираше над Астон Вила, а Тотенхем повторно ги разочара своите навивачи со поразот овојпат од Вулверхемптон.

Головите за победничката екипа ги реализираше Раул Хименез во шестата и Леандер Дендонкер во 18 минута од средбата. Ова е веќе трет пораз во низа за фудбалерите на Антонио Конте.

Премиер лига, 25. коло

Недела, резултати –

Барнли – Ливерпул 0:1
Њукасл – Астон Вила 1:0
Тотенхем – Вулверхемптон 0:2