Им нема крај на проблемите за тимовите од Лондон, фудбалерите на Челси се поразени од Брајтон со 2:1 во натпреварот од 31 коло во Премиер лигата.

Лондонските „сини“ добро го започнаа мечот со голот на Галагер, но потоа следуваше „ладен туш“ за играчите на Френк Лампард откако за 1:1 се погрижи Велбек.

Целосниот пресврт беше комплетиран во 60 минута кога со еден убав удар Енсисо ја затресе мрежата на Аризабалага.

Посебно интересен беше натпреварот помеѓу Тотенхем и Бурнмаут. Домаќините водеа со голот на Сон од 14 минута, а потоа имаа негатива од 2:1 со головите на Матиас Вина (38) и Даниел Соланке (51), а во 88. минута Арнаут Данжума израмни на 2:2 со одличен удар во поблискиот агол. Данго Утара ги шокираше домашните во петтата минута од судиското надополнување и ги постави конечните 3:2 за својот тим.

Во другите мечеви: Евертон – Фулам 1:3, Саутемптон – Кристал палас 0:2 и Вулверхемптон – Брентфорд 2:0.