Борусија Дортмунд го искористи саботниот пораз на Баерн Минхен и на едно коло до крајот во Бундес лигата е во „пол-позиција“ за освојување на титулата.

Последен пат Борусија Дортмунд беше шампион на Германија во 2012 година, а оттогаш на бундеслигашката елита доминира баварскиот гигант.

Себастијан Але на кој му беше дијагностициран рак на тестисите ги пропушти првите шест месеци од сезоната, а по успешната борба против тешката болест, му се врати на фудбалот на во јануари.

Кога е најпотребно Французинот запиша два гола во победата на гости кај Аугсбург (0:3). Конечниот епилог го постави Брандт во 93 минута.

На табелата води Дортмунд со 70 бодови, два повеќе од Баерн. Во последното 34 коло „милионерите“ на 27 мај ќе го пречекаат Мајнц, а истиот ден Баерн ќе гостува кај Келн.