Расист-тинејџер од САД, кој уби десетмина афроамериканци во супермаркет во Бафало пред речиси две години, е осуден на доживотен затвор, откако се изјасни како виновен по вкупно 15 точки од обвинението, меѓу кои и убиство и тероризам од омраза.

Џендрон им се извини на семејствата на жртвите, велејќи дека сега не може да поверува што направил и се надева дека неговото злосторство нема да ги мотивира другите да го следат неговиот пример.

„Многу ми е жал за целата болка што им ја предизвикав на жртвите и на семејствата. Не можам да изразам колку жалам за сите одлуки што доведоа до акциите на 14 мај. Направив страшна работа тој ден. Пукав и убив луѓе бидејќи беа црнци“, додаде тој.

Непосредно пред да биде изречена пресудата, еден од роднините на жртвите во судницата му се нафрли на Џендрон, а полицијата спречи поголем инцидент.