Фудбалерите на Партизан на гостински терен славеа со 0:1 против молдавскиот Шериф во првиот натпревар од плеј-офот за влез во осминафиналето на Лигата на конференции.

На мечот во Кишињев каде што на трибините поради безбедносни причини немаше публика, голема и важна победа за српскиот состав донесе Рикардо Гомеш во 45 минута. Иако од 50 минута белградските „црно-бели“ играа со фудбалер помалку поради црвениот картон на Вујачиќ, успеаја до крајот да ја задржат предноста.

Кипарската екипа на АЕК Ларнака дома со 1:0 триумфираше над украинскиот Днипро-1 со погодокот на Гарсија во 84 минута. Македонскиот интернационалец Иван Тричковски беше стартер и настапи до 65 минута.

Лацио обезбеди минимална предност пред реваншот откако го совлада романскиот Клуж со 1:0. Победата за римските „небесно-сини“ ја донесе Имобиле непосредно пред паузата (45+4`). Италијанците успеаја со играч помалку да триумфираат откако во 15 минута Патрик доби црвен картон.

Со истиот резултат славеше и бугарскиот Лудогорец кој го совлада Андерлехт. Мрежата на Белгијците ја затресе Игор Тиаго во деветтата минута по асистенцијата на Десподов на теренот во Разград.

Rikardo za pobedu i odličan rezultat pred revanš u Beogradu!

Svi na JNA u četvrtak! pic.twitter.com/wYjgaT9mBy

— Retro Partizan (@PartizanRetro) February 16, 2023

ВИДЕО: Солзите сами течат – емотивна кореографија на турските навивачи во Трабзон