ВИДЕО: Солзите сами течат – емотивна кореографија на турските навивачи во Трабзон
Во Турција сега фудбалот е на втор план по катастрофалниот земјотрес кој ја погоди земјата и Сирија и однесе над 42.000 животи.
Турскиот шампион Трабзонспор на македонскиот репрезентативец Енис Барди игра натпревар од нокаут-фазата на Конференциската лига, а домашните навивачи со прекрасна кореографија им оддадоа почит на спасувачките служби кои се обидуваат да ги спасат преостанатите преживеани под урнатините на истокот од земјата.
На големата кореографија беше прикажан спасител со шлем на главата како извлекува бебе од урнатините, а покрај него има куче трагач.
За време на кореографијата, гледачите вееја илјадници турски знамиња.
Трабзонспор е од градот Трабзон на брегот на Црното Море, односно од североисточниот дел на земјата. Самиот град не беше сериозно погоден од земјотресот, но голем дел од луѓето кои останаа без ништо во земјотресот си најдоа дом во него.
Trabzonspor fans thank the emergency services with a tifo before their European clash vs. Basel, after the tragic recent earthquake in Türkiye. pic.twitter.com/7pSepEr8sE
— Football on BT Sport (@btsportfootball) February 16, 2023