Во натпревар со драматична завршница, Фулам и Ливерпул ги поделија бодовите ремизирајќи 2-2.

Првиот дел од средбата мина во тактичко надмудрување со малку возбудувања, а единствената посериозна шанса ја искористија домаќините. Хари Вилсон во 17. минута ја затресе мрежата и му донесе водство на Фулам, по што играта значително се смири без поголеми прилики до паузата.

Во продолжението темпото беше нешто повисоко, а Ливерпул успеа да се врати во игра преку Вирц, кој во 57. минута израмни на 1-1. До самиот финиш не се случуваше многу, сè до хаотичната завршница.

Во 94. минута Коди Гакпо погоди за пресврт и се чинеше дека „црвените“ ќе си заминат со цел плен, но радоста траеше кратко. Само минута подоцна Рид со атрактивен погодок го постави конечниот резултат 2-2. За Ливерпул ова е второ последователно реми, откако во претходното коло одигра без голови против Лидс.

🚨 ⚽️ Harrison Reed. What a final…

🏴󠁧󠁢󠁥󠁮󠁧󠁿 Fulham 2-2 Liverpoolpic.twitter.com/RHuuYw0nps

— Goals Xtra (@GoalsXtra) January 4, 2026

На останатите натпревари од колото, Тотенхем и Сандерленд одиграа нерешено 1-1, Њукасл сигурно го совлада Кристал Палас со 2-0, додека Брентфорд славеше на гостувањето кај Евертон со 4-2 во најефикасниот дуел на денот.