Ако водите сметка за исхраната или ви се јаде нешто слатко, ви предлагаме да го пробате рецептот за чоколадни медалјони. Направете ситни колачи со урми и чоколадо кои можете да ги послужите и за слава или кога ќе ви се најават гости. Исто така, одлично е што немаат додаден шеќер, а се прават лесно и брзо. Уживајте во чоколадните ситни колачи што дефинитивно ќе им се допаднат на сите.

Состојки:

– 80 грама овесни снегулки
– 100 грама ореви
– 150 грама урми без јатки
– 10-15 грама какао
– 2 лажици мед
– 150 грама темно чоколадо без шеќер
– 30 мл масло

Подготовка:

Овесните снегулки добро изблендирајте ги, а оревите исечкајте ги, па пропржете ги и изблендирајте. Урмите прелијте ги со ладна вода и оставете ги да отстојат околу 15 минути.

Процедете ги урмите и извадете ги коските, а потоа изблендирајте ги и урмите.

Во сад ставете ги мелените овесни снегулки, а потоа додајте ги оревите, медот и измешајте со раце. Потоа, додадете ги урмите, па повторно соединете со рацете.
Земете малку смеса и обликувајте ја во медалјон, па ставете ја на плех или на даска. Ставете ги медалјоните во замрзнувач 30 минути.

Чоколадото растопете го со масло, па потопете ги колачињата во глазурата. Медалјоните редете ги во плех и ставете ги во фрижидер да се стегнат.