Повеќето од нас остануваат што подалеку од темната страна на интернетот, но еден човек, кој е хакер три децении, сподели некои вознемирувачки искуства со кои се сретнал во својата работа.

Во суштина, „темната мрежа“ ја претставува темната страна на интернетот, жариште на криминални активности кои често вклучуваат ужасни и развратни дејствија кои можат да остават трајни ефекти дури и на најиздржливите луѓе. Луѓето кои ја посетуваат „темната мрежа“ го прават тоа од љубопитност, поради криминални активности или затоа што се хакери. Хакерот опиша дека наишол на „деструктивни напаѓачи“ кои сакаат да „го гледаат светот како гори“, што дава увид во содржината што може да се најде таму.

Анонимниот човек објасни дека некогаш се сметал себеси за „црна капа“ на интернет, што значи дека не бил обврзан со никаков етички кодекс. Денес, сепак, тој се нарекува себеси „бела капа“ – хакер кој работи за општо добро, го почитува законот и често се занимава со откривање на слабите точки во безбедносните системи.

Тој објасни дека неговата сегашна работа вклучува барање ранливости во системите кои можат да претставуваат „значаен ризик“. Тој изјави за списанието „Вајс“ (VICE) во 2021 година: „Исто така, ловам криминалци кои целат болници или бизниси што се обидувам да ги заштитам“.

Зборувајќи за ransomware – малициозен софтвер дизајниран да го блокира пристапот до компјутерските системи – тој рече:

„Тоа е техника на напад која постои со децении. Современиот откупен софтвер обично е малициозен софтвер кој влегува во вашиот систем, ги шифрира сите ваши податоци, а потоа ги држи во заложништво, барајќи да контактирате со бандите што го користат и да им платите во некој вид валута за да добиете клуч за дешифрирање“.

Иако неговата работа често станува многу тешка, работата на „темната мрежа“ носи многу повеќе ризици.

За некои од работите што ги видел, тој вели: „Гледав како се шифрираат болници, а луѓето требаа да изберат дали да платат за дешифрирање на податоците или да го ризикувааат својот живот?“

Тој, исто така, објасни како хакирањето се менувало со текот на годините: „Кога првпат започна откупниот софтвер, тие наплаќаа стотици, можеби илјадници долари по индивидуална жртва. Денес, исплатите достигнуваат десетици милиони долари. Последниот напад што го следев понуди 70 милиони долари за клучот за кампањата – клуч што ќе го отклучи секој компјутер шифриран за време на тој напад. Значи, ова е игра со високи влогови“.

Зборувајќи за иднината, тој додаде:

„Не верувам дека треба да се грижиме за преземање на нашиот нуклеарен арсенал, како во филмовите, и искористување против нас. Но, мислам дека треба да бидеме загрижени за големи шокови на финансиските пазари или потенцијални напади врз електрани“.