ВИДЕО | Потегот на Ендрик кој го налути Анчелоти: Не смее да прави такви работи, ова не е циркус!
Реал Мадрид запиша минимална победа од 1-0 на гостувањето кај Хетафе, но еден потег на младиот Ендрик го налути тренерот Карло Анчелоти. Бразилскиот тинејџер започна како стартер, но не ја заврши средбата и беше заменет откако се обиде со лоб-удар да постигне гол.
Препорачано
Во второто полувреме, при резултат 0-1 и потреба од втор гол за потврда на триумфот, Ендрик се најде во шанса, но наместо да шутира директно, се реши за обид за лоб преку голманот, потег кој не само што беше непрецизен, туку и го налути италијанскиот стратег.
„Имаше две добри можности, првата ја одигра како што треба, но немаше среќа. Втората, пак, можеби беше офсајд, можеби не, но не може да се прават такви работи, Млад е и ќе научи, но ова не е циркус. Мора да шутира силно кога има можност да постигне гол, да биде конкретен. Не е време за трикови и спектакли“, изјави Анчелоти.
ENDRICK WHAT ARE YOU DOING? WHY SHOOT LIKE THAT? pic.twitter.com/c7ixDQ6tXV
— @thedesigner (@heyJudemeow) April 23, 2025
