Фудбалерите на Порто ја освоија шампионската титула во Португалија, откако во 32. коло славеа минимална победа од 1-0 против Алверка на домашен терен и стигнаа до 31. трофеј во клупската историја.

Во пресрет на натпреварот, Порто имаше комотна ситуација и бод ќе беше доволен за круна, по киксот на Бенфика на гостувањето кај Фамаликао. Сепак, тимот предводен од Франческо Фариоли не препушти ништо на случајноста и славеше победа.

Клучниот момент се случи во 40. минута, кога Јан Беднарек погоди за 1-0, резултат што се покажа како конечен и доволен за големо славје на „Драгао“.

Со овој успех, Порто се враќа на врвот по пауза од четири години, со оглед дека претходните титули ги освојуваа Бенфика и Спортинг на двапати.

И покрај тоа, Бенфика и натаму го држи приматот како најтрофеен клуб во Португалија со 38 шампионски титули, додека Порто сега има 31, а Спортинг останува на 20 освоени првенства.

O hino @ Alameda 🔵⚪️ pic.twitter.com/6phU2bUKGp

— FC Porto (@FCPorto) May 3, 2026